Pak minuta më parë Instituti Kombëtar i Shëndetësisë Publikë në Kosovë (IKSHPK), bëri të ditur se janë shënuar edhe 20 raste të reja me COVID-19 në Kosovë.

15 prej tyre ishin nga Banja e Malishevës, dy me vendbanim në Malishevë, një në Bllacë-Suharekë, një (1) me vendbanim në Drenas dhe një (1) me vendbanim në Prishtinë.

Të gjitha këto raste, sipas këtij Instituti, janë raste kontakti.

Më këtë rast, në Drenas është shënuar sot rasti i parë me koronavirus.

Ndryshe, nga data 08.02.2020 deri me 06.04.2020, në Laboratorin e Mikrobiologjisë Molekulare në IKSHPK me metodën RT-PCR, janë testuar gjithsej 2.093 mostra të dyshimta në virusin SARS-CoV-2 dhe prej tyre, pozitive rezultojnë gjithsej 165 raste me 3 raste të vdekjes të cilët kanë pasur sëmundje të tjera shoqëruese./arbresh.info