Një ndryshim i rregullores së re nga Bashkimi Evropian ka frikësuar Beogradin zyrtar. Komisionari evropian, Johannes Hahn ka specifikuar se së shpejti do të hyn në fuqi një vendim i cili do ta favorizojë Kosovën në rrugën e integrimeve evropiane.

Kësisoj, rregulla e re, që pritet të miratohet në fillim të vjeshtës, sqaron se shtetet e BE-së që nuk e kanë njohur Republikën e Kosovës nuk mund ta pengojnë këtë të fundit në proceset integruese.

Megjithatë, vendimi në fjalë mund të parandalojë Kroacinë që të bllokojë negociatat e pranimit të Serbisë në të ardhmen.

“Spanja ose Qipro, të cilat janë të vendosura në mendimin se Kosova nuk mund të trajtohet si një shtet i pavarur, nuk mund të përdorin bllokada ndaj Prishtinës”, konfirmohet në njoftim.

Ndërsa, analisti politik, Dragomir Andjelkoviç theksoi se miratimi i mundshëm i një vendimmarrje të re, nga Komisionin Evropian, për Serbinë do të jetë një shpatë me dy tehe.

“Nga njëra anë, kjo do të bllokonte mundësinë e pengimit kroat sa i përket progresit të Serbisë drejt BE-së. Megjithatë, duke e ditur lidhjen e administratës së Brukselit me çështjen e Kosovë dhe Metohisë, mua më duket se ky aspekt mund të jetë në disfavor për Serbinë”, u shpreh ai, transmeton indeksonline

Eksperti nga Serbia theksoi se Kosova këtë vit mund të marrë liberalizimin e vizave. “… dhe se BE-ja mund të ofrojë mbajtësit e pasaportave shtetit të rreme për të lëvizur lirshëm, pa viza në zonën Shengen”, ka deklaruar ai.