Ministri i Drejtësisë, Selim Selimi ka thënë se me shqetësim ka pritur vendimin e Ambasadës së Shteteve të Bashkuara të Amerikës për tërheqje nga përzgjedhja e anëtareve të rijnë të Këshillit Prokurorial të Kosovës.

Në një shkrim në facebook, Selimi ka thënë se Këshilli Prokurorial, është organ i pavarur dhe si i tillë duhet të reflektojë seriozisht në kritikat e partnerit tonë më strategjik, transmeton arbresh.info.

Sipas tij transparenca dhe shmangia e ndikimeve politike është e domosdoshme.

Postimi i tij i plotë:

ShBA-ja të mbetet partneri kryesor në fushën e sundimit të ligjit
Me shqetësim e kam pritur vendimin e Ambasadës së Shteteve të Bashkuara të Amerikës për tërheqje nga përzgjedhja e anëtarëve të rinjë të Këshillit Prokurorial të Kosovës. Këshilli Prokurorial, është organ i pavarur dhe si i tillë duhet të reflektojë seriozisht në kritikat e partnerit tonë më strategjik. Transparenca dhe shmangia e ndikimeve politike është e domosdoshme. Politika duart larg drejtësisë! Falënderoj Ambasadën e ShBA-së, për përkrahjen në ndryshimin e ligjit që del nga Rishikimi Funsional, e i cili do të përmirësojë punën e Këshillit Prokurorial në sistemin e drejtësisë.