Google ADS

Selimi fajëson qeverinë që e ka lënë në dorë të Beogradit themelimin e FSK-së

17:32 | 14 Shkurt 2017
M. A.

Deputeti i Lëvizjes Vetëvendosje, Rexhep Selimi në fjalën e tij në Kuvendin e Kosovës e ka akuzuar Qeverinë e Kosovës, se e ka lënë në dorë të Beogradit krijimin e Forcave të Armatosura të Kosovës.

Ai ka theksuar se para dy vitesh deputetët e Listës Serbe kanë qenë në Beograd pikërisht në kohën kur pritje të diskutohej rritja e përgjegjësive të FSK-së, e ku sipas tij atje u morrën direktivat se si duhet të veprohet me këtë punë.

“Deputetët serbë para dy vitesh ishin në Beograd për të vendosur në lidhje me FSK-në. Prej asaj dite kjo punë është në dorën e Beogradit që të formohet FAK-u apo jo”, u shpreh deputeti Selimi.

Sipas tij Qeveria qysh sot mund t’i rris përgjegjësitë e FSK-së, pasi sipas tij asnjë ligj nuk e ndalon që Forca e Sigurisë së Kosovës të jetë më e pajisur, më e armatosur dhe me numër më të madh ushtarësh.

Shpërndaje në rrjete sociale

Lajmet më të lexuara

Të ngjashme

Foto lajm

sq sq