Nënkryetari i Komunës së Prishtinës, Selim Pacolli ka reaguar për tragjedinë e ndodhur në Minierën e Artanës ku humbën jetën dy minatorë.

Selimi i cili ishte në Minierën e Artanës dhe ka parë për së afërmi përpjekjet për të nxjerr në sipërfaqe trupat e dy minatorëve ka thënë se ndodhet aty për të treguar mbështetjen për familjet e minatorëve, bashkëfshatarët e punëtorët e minierës.

Postimi i plotë në facebook:

Dhimbje, pikëllim, zemërim, në vendin e ngjarjes, ku ende po vazhdon përpjekja për të nxjerr në sipërfaqe trupat e dy minatorëve nga thellësia e Minierës së Artanës në Marec.

Jam këtu për të treguar mbështetjen time për familjet e minatorëve, bashkëfshatarët e punëtorët e minierës. Lutjet tona shkojnë për ta në këto momente plot ankth! Përzemërsisht falënderoj të gjithë të angazhuarve, që po marrin pjesë në këtë operacion,Policinë e Kosovës,FSK-në dhe zjarrfikësit”.