Lideri i Aleancës për Shqiptarët, Ziadin Sela ka reaguar pas një fotografie që presidenti serb Aleksandar Vuçiq ka publikuar në Instagram, ku shihet harta e Kosovës me flamurin serb.

Përmes një shkrimi në facebook, Sela ka thënë se Kosova nuk ka qenë ndonjeherë djep i kulturës serbe, e as vend krenarie, aq më pak tokë e serbëve.

“Kosova nuk ka qenë ndonjeherë djep i kulturës serbe, e as vend krenarie, aq më pak tokë e sërbeve. Kosova është toka ku janë gjakos djepat e shqiptarëve radhazi nga regjimet barbare sërbe pa aspak nder e krenari.

Është toka e shqiptareve ku sërbët edhe gjatë kohe do ta shohin të pasqyruar fytyrën gjakatare dhe vrasëse të udhëheqësve të tyre pa aspak lavdi dhe me shumë turp. Kosova në perjetësi tokë e djep shqiptarësh trima e liridashës”, është shprehur Sela.