Policia e Kosovës në katër raste të ndryshme ka sekuestruar 4 armë zjarri.

Sipas policisë këto veprime janë ndërmarrë në bazë të dyshimeve të bazuara dhe kanë rezultuar në eliminimin e rreziqeve të mundshme për sigurinë publike.

Ndërsa në një rast tjetër, policia ka parandaluar një rrahje të planifikuar nga disa persona të mitur, pas hetimeve dhe dyshimeve të bazuara për një konflikt të mundshëm. Gjatë ndërhyrjes, janë sekuestruar armë të ftohta.

“Këto rezultate pasqyrojnë përkushtimin e Policisë së Kosovës për forcimin e sigurisë dhe parandalimin e veprimtarive të paligjshme”, thuhet në njoftimin nga policia, shkruan Arbresh.info

Njoftimi plotë

Njësitë policore të Podujevës kanë realizuar aktivitete të vazhdueshme me qëllim krijimin e një ambienti të sigurt.

Gjatë dy ditëve të fundit në katër raste të ndryshme, njësitë policore kanë sekuestruar 4 armë zjarri, gjatë kontrolleve të realizuara tek persona të dyshuar, automjete dhe në një aheng.

Këto veprime janë ndërmarrë në bazë të dyshimeve të bazuara dhe kanë rezultuar në eliminimin e rreziqeve të mundshme për sigurinë publike.
Në një rast tjetër, zyrtarët policor të Podujevës kanë parandaluar një rrahje të planifikuar nga disa persona të mitur, pas hetimeve dhe dyshimeve të bazuara për një konflikt të mundshëm. Gjatë ndërhyrjes, janë sekuestruar armë të ftohta.

Të dyshuarit e të gjitha rasteve janë proceduar mëtej në koordinim të plotë me Prokurorin e Shtetit.

Këto rezultate pasqyrojnë përkushtimin e Policisë së Kosovës për forcimin e sigurisë dhe parandalimin e veprimtarive të paligjshme.