Seanca për rritje të çmimit të rrymës/Kusari-Lila: Bllok-tarifat duhet të kthehen

10:37 | 20 Janar 2022
V. S.

Amvisëritë e kanë kthyer ngrohjen me rrymë shkaku i çmimit të lirë, ka thënë Mimoza Kusari-Lila, shefe e grupit parlamentar të Vetëvendosjes.

Në seancën e sotme ku po diskutohet për propozimin e ZRrE-së për rritje të çmimit të rrymës, Kusar-Lila ka thënë se kjo ka ardhur shkaku i heqjes së bllok-tarifave, raporton arbresh.info.

“Në shumë amvisëri për shkak të heqjes së bllok-tarifave shumë nga to edhe pse kishin mundësi të ngroheshin përmes alternativave tjera e kthyen ngrohjen me rrymë për arsye të çmimit më të ulët. Kthimi i bllok tarifave është i paevitueshëm pasi ishte hequr në vitin 2017 bashkë me kthimin e shprehisë së kursimit dhe vetëdijësimit të konsumatorëve për kursimin e energjisë”, tha Kusari-Lila./arbresh.info/