Ministri i Jashtëm serb, Ivica Daçiq ka thënë se Rusia nuk i ndihmon dot Serbisë në çështjen e Kosovës.

Në bisedën e fundit me homologun e tij rus, Sergei Lavrov, Daçiq ka thënë se Rusia ka premtuar se do t’i ndihmojë Serbisë.

“Problemi është se në nivelin të cilin është çështja e Kosovës, rusët nuk marrin pjesë. Një gabim strategjik u bërë kur u vendos që kjo çështje t’i transferohej BE-së, pas vendimit të Gjykatës Ndërkombëtare të Drejtësisë. Pas këtij vendimi u përgatit një projekt-rezolutë për Asamblenë e Përgjithshme të OKB-së, por Tadiq i tha Jeremiqit se po ndryshonte. Pastaj, i dhamë të tjerëve pëlqimin e BE-së në të cilin kërkohej që dialogu t’i transferohej BE-së”.

“Ajo që është interesante pavarësisht nga kjo marrëveshje është se SHBA-të dhe vende të tjera nuk kanë votuar për propozimin, gjë që tregon se në fillim ata kishin skenarin e tyre se çfarë duhet të ndodhte. Rusët nuk mund të ndihmojnë këtu, gjithçka kthehet në nivelin e OKB-së, është shumë e vështirë”, ka thënë Daçiq për ‘Blic’, transmeton lajmi.net.

Ministri serb ka thënë se fuqitë e mëdha nuk duan të marrin në konsideratë një propozim për ndarjen e Kosovës për shkak se ata mendojnë që çështja e Kosovës u mbyll në vitin 2008 duke pranuar pavarësinë.

Sa i përket dialogut Beograd-Prishtinë, ai ka thënë se ky dialog nuk trajton çështjen e një zgjidhje të qëndrueshme, pasi Prishtina nuk donë ta bëj një gjë të tillë.

Daçiq ka shtuar se Serbia është e gatshme për kompromis.

Ai ka shtuar se javën e ardhshme Beogradi do të vizitohet nga zyrtarë grek dhe francez ku pritet të ketë bisedime shumë domethënëse.