Gjatë punimeve për gërmime në fshatin Kalludër e Vogël, në komunën e Zubin Potokut, deri tani janë gjetur gjashtë trupa.

Gërmimet e sotme kanë çuar në gjashtë numrin e trupave të gjetur në zonën malore të fshatit Kalludër në Zubin Potok, bëjnë të ditur burime të RTK-së.

Ndryshe kryeprokurori i Prokurorisë Speciale, Blerim Isufaj, sot ka vizituar punimet e gërmimeve në fshatin Kalludër e Vogël, në komunën e Zubin Potokut, ku dyshohet për ekzistimin e një varreze masive nga lufta e fundit në Kosovë.

Isufaj ka thënë se gërmimet kanë nisur dhe ka falënderuar të gjitha institucionet e përfshira në këtë proces, veçanërisht Policinë e Kosovës, prokurorët e Prokurorisë Speciale dhe ekipin e Mjekësisë Ligjore.

Lidhur me këtë raportim, Arbresh.info ka pyetur Prokurorinë Speciale.

“Nuk mundemi me komentu”, thuhet shkurt në përgjigjen e Prokurorisë./Arbresh.info