Sekretari organizativ i AKR-së Rrahim Pacolli ka uruar përvjetorin e 11-të të Pavarësisë së Kosovës.

Ai ka thënë se shpallja e pavarësisë më  2008 kishte kurorëzuar rrugëtimin e dhimbshëm nëpër të cilin kishte kaluar popullsia shqiptare, shkruan arbresh.info.

Më tej Pacolli ka uruar që ky të jetë shekulli ku shqiptarët marrin vendin e tyre të merituar.

Lexoni të plotë urimin e tij:

Shpallja e pavarësisë me 17 shkurt 2008, ishte kurorëzimi i një rrugëtimi të dhimbshëm lotësh e gjaku për popullsinë shqiptare. Sot 11 vite më vonë Republika e Kosovës vazhdon aspiratat e saja për integrim euro-atlantik dhe ecje përpara. Uroj që ky të jetë shekulli ku shqiptarët marrin vendin e tyre të merituar dhe të jenë më të bashkuar se kurrë. Urime Kosovë përvjetorin e 11-të të Pavarësisë. RrP