Bashkëshortja e Blerand Stavilecit është sulmuar gjatë pasdites së sotme në një lagje të Prishtinës.

Policia e Kosovës e ka konfirmuar rastin. Përmes një njoftimi dërguar medieve Policia thotë se rreth orës 14:00, policia ka marrë informacionin se në lagjen Veternik në Prishtinë, një femër është sulmuar fizikisht nga persona të dyshuar.

“Bëhet fjalë për viktimën: Vitore Stavileci, shtetase e Republikës së Kosovës, e cili ka pësuar lëndime trupore dhe e njëjta është dërguar për tretman mjekësor, në Qendrën Klinike Universitare të Kosovës, (QKUK)”, thuhet në njoftim.

Sipas njoftimit Policia është duke u fokusuar në identifikim e personave të dyshuar.

“Pas ekzaminimit të vendit të ngjarjes si dhe përfundimit të procedurave fillestare nga ana e policisë, puna hetimore është fokusuar në identifikimin e personave të dyshuar me qëllim kapjen e tyre, si dhe zbardhjen e të gjitha rrethanave që kanë të bëjnë me këtë ngjarje. Ndërkohë që në stacionin policor Jugu në Prishtinë, në konsultim me Prokurorin e shtetit, është iniciuar rasti lëndim trupor”, thuhet në njoftim.