Ambasadori i Gjermanisë në Kosovë, Jorn Röhde, ka mirëpritur miratimin e raportit për Kosovën në vitin 2022 të Komisionit Evropian.

“Përkrahje të plotë gjermane për ambiciet evropiane të Kosovës”, ka shkruar Rohde në Twitter pasi e ka shpërndarë postimin e raportueses për Kosovën në PE, Viola Von Crammonit.

Ai nënvizoi se gjitha shtetet e kontinentit evropian duhet të bëhen pjesë e BE-së.

“Siç është nënvizuar sërish nga kancelari Scholz në fjalimin e tij para parlamentit evropian. Të gjitha shtetet duhet të bëhen pjesë e familjes së Bashkimit Evropian”, ka shkruar Röhdeja në Tëitter.

Parlamenti Evropian e ka miratuar sot raportin e vitit 2022, të Komisionit Evropian për Kosovën.

Në të njëjtin raport mirëpritet aplikimi i Kosovës për anëtarësim në Bashkimin Evropian.

Raporti po ashtu u bën thirrje shteteve anëtare të BE-së që s’e kanë njohur ende Kosovën, pra; Spanjës, Sllovakisë, Greqisë, Rumanisë dhe Qipros që ta bëjnë këtë pa vonesë të mëtejshme dhe ta hapin rrugën e Kosovës në integrimin evropian./Arbresh.info

Full German support for Kosovo’s European ambitions. As again underlined by Chancellor Scholz in his speech before the EP- All WEB countries need to become part of the EU- family! https://t.co/FqSvfNgZYN

— Ambassador Jörn Rohde (@GermanAmbKOS) May 10, 2023