Rexhep Selimi mbush 54 vjet, vizitohet nga gruaja e tij në Hagë

13:00 | 15 Mars 2025
E.K

Një nga ish-krerët e UÇK-së, që aktualisht mbahet në paraburgim në Dhomat e Specializuara në Hagë, Rexhep Selimi, feston sot ditëlindjen, duke mbushur 54 vjet.

Gruaja e tij, Shqipe Mehmeti-Selimi, ka bërë të ditur se ndodhet në Hagë dhe i ka uruar atij ditëlindjen përmes një postimi në Facebook.

“Unë dhe ne të gjithë që të duam, të urojmë ditëlindjen Rexhë! Sikur gjithmonë e kudo që jemi, do t’i festojmë ditëlindjet bashkë me ty”. shkroi ajo.

Ndryshe, Zyra e Prokurorit të Specializuar, më 30 shtator 2022 ka dorëzuar aktakuzën e konfirmuar të ndryshuar ndaj Hashim Thaçit, Kadri Veselit, Jakup Krasniqit dhe Rexhep Selimit, e cila përbëhet nga dhjetë pika me akuza, ku këta të fundit ngarkohen për krime lufte e krime kundër njerëzimit./Arbresh.info