Shefi i Grupit Parlamentar të Lëvizjes Vetëvendosje, Rexhep Selimi ka ndarë kritika për qeverinë në ditën e raportimit për 100 ditët e punës nga kryeministri Avdullah Hoti.

“Duke e ritheksuar edhe njëherë që kemi të bëjmë me një qeveri kot dhe 100 ditësh të shkuar kot. Ne e kemi quajtur qeveri ilegale, nuk vjen nga opozita por rruga me të cilën ka ardhur këtu ku është sot. Po ashtu, duam ta përsërisim pse e quajmë qeveri jolegjitime për t’ua përkujtuar se kush jeni ju. Kjo është një qeveri pa fituesin e zgjedhjeve dhe pa shumicën e parlamentit të Kosovës”, u shpreh Selimi.

Deputeti i Vetëvendosjes tha se vendimi i parë i Hotit ka qenë heqja e reciprocitetit me Serbinë, shkruan Arbresh.info.

“Qeveria vendimin e parë e ka marrë heqjen e reciprocitetit me Serbinë. Nuk e ka pasur qëllim vetëm Kurtin por rrëzimi ka ndodhur për t’I hequr masat ndaj Serbisë. Në 100 ditëshin e saj kjo qeveri e përbysi suksesin e Kosovës në suksesin e pandemisë, duke e kthyer Kosovën në vendin e parë për keqmenaxhimin e pandemisë. Mbështetur në atë se çfarë përfaqëson kjo qeveri, e mbi të gjitha krahasur me qeverinë që këta kanë rrëzuar është një qeveri koti”, tha Selimi./arbresh.info/

https://www.facebook.com/arbresh.info/videos/726689878061025