Bordi i AGK-së, i prirë nga Kryetari Xhemajl Rexha, dhe juristja e medias, Flutura Kusari, do të dorëzojnë komentet e përbashkëta për Ligjin e KPM-së, në Gjykatën Kushtetuese.

Sipas njoftimit, dorëzimi i komenteve do të bëhet në ora 15:00, shkruan Arbresh.info.

“Ju njoftojmë, se nesër, 20 gusht 2024, nga ora 15:00, Bordi i AGK-së, I prirë nga Kryetari Xhemajl Rexha, dhe juristja e medias, Flutura Kusari, do të dorëzojnë komentet e përbashkëta për Ligjin e KPM-së, në Gjykatën Kushtetues”, thuhet në njoftim.

Ndryshe Qeveria e Kosovës ka mbrojtur Projektligjin për Komisionin e Pavarur të Mediave (KPM), që u miratua në lexim të dytë gjatë seancës plenare të 11 korrikut.

Ky ligj veç tjerash parasheh licencimin e mediave online, monitorimin e tyre dhe gjoba deri në 40 mijë euro.

Miratimi i këtij projektligji u kritikua nga Bashkimi Evropian, nga Asociacioni i Gazetarëve të Kosovës, dhe dy parti opozitare, që paralajmëruan se do t’i drejtohen Gjykatës Kushtetuese./Arbresh.info/