Ministrja e Mjedisit dhe Planifikimit Hapësinor Albena Reshitaj vizitoi kryetarin e ri të komunës se Skenderajt Bekim Jashari.

Pasi uroi për fillimin e mandatit si kryetar komune ministrja Reshitaj ofroi mbështetje dhe u shprehë e bindur që kryetari i ri si anëtar i familjes Jashari do të punojë drejtë dhe do të bëjë ndryshime pozitive në qytetin e Skenderajt.

Nga ana tjetër kryetari Jashari falënderoi ministren për vizitën, përkrahjen e saj dhënë atij dhe projekteve në fushën e mjedisit dhe theksoi që Reshitaj është e para nga kabineti qeveritar që më vizitoi, më ofroi mbështetje dhe më uroi për detyrën e re në udhëheqje të Skenderajt.

Pas vizitës në komunë, ministrja Reshitaj bëri homazhe në kompleksin memorial Adem Jashari.

Duke vlerësuar lartë veprën sublime të familjes Jashari Reshitaj u shprehë se flijimi për çështje kombëtare është niveli me i lartë i atdhedashurisë.

Ministrja Reshitaj sot vizitoi edhe kryetarin e komunës së Mitrovicës Agim Bahtiri me të cilin biseduan për projektet e kanalizimit, ujësjellësit, trajtimit të ujerave të zeza etj, që MMPH-ja do t’i realizojë në vitin 2018.