Reka: Pa rezultate konkrete në luftën kundër korrupsionit, s’mund të ketë liberalizim vizash

11:57 | 3 Mars 2020
Arbresh.info

Ministri Blerim Reka është duke raportuar në Komisionin për Integrime Evropiane.

Ai ka thënë se tha se ministrinë që e drejton e ka gjetur në një situatë jo të lakmueshme.

Para anëtarëve të këtij komisioni, Reka ka paraqitur prioritetet e punës së tij, ku tha se prioritet është liberalizimi i vizave për Kosovën, e për të ndodhur një gjë e tillë duhet të ketë luftim të korrupsionit dhe dënim të rasteve të profilit të lartë.

“Prej 61 rasteve të shënjestruara të profilit të lartë nuk është përfunduar asnjë, atëherë edhe të mos habitemi pse po ngec procesi i liberalizimit të vizave. Rreth 400 mijë euro para të pashfrytëzuara nga IPA. Ne do të përpiqemi ta tejkalojmë këtë vonesë në procesin e integrimit evropian”, tha ai.

Reka tha se ato shtete që po kërkojnë rezultate në rastet e profilit të lartë janë shtete që e kanë njohur shtetësinë e Kosovës.