Për herë të parë në Kosovë u zhvillua një seancë gjyqësore përmes videolidhjes, duke shënuar një hap të rëndësishëm drejt modernizimit të sistemit të drejtësisë dhe Shërbimit Korrektues.

Seanca u mbajt sot në bashkëpunim në mes Shërbimit Korrektues të Kosovës dhe Gjykatës Themelore në Prishtinë.

I burgosuri, i cili ndodhet në Qendrën e Paraburgimit në Gjilan, u paraqit në gjykim përmes videolidhjes, ndërsa seanca u drejtua nga gjyqtarja Fatime Dermaku nga ambientet e Gjykatës në Prishtinë.

‘Kjo mënyrë e mbajtjes së seancave gjyqësore përmes videolidhjes synon lehtësimin e procesit gjyqësor, duke zvogëluar nevojën për transport fizik të të burgosurve drejt gjykatave, duke rritur sigurinë dhe efikasitetin në procedura. Për realizimin e kësaj seance janë përdorur pajisje të avancuara audio dhe video për incizimin dhe regjistrimin e seancave gjyqësore. Këto pajisje, janë dhuruar nga Byroja për Çështje Ndërkombëtare të Narkotikëve dhe Zbatimit të Ligjit (INL), do të ndihmojnë në lehtësimin e punës së Shërbimit Korrektues dhe përmirësimin e cilësisë së shërbimeve në fushën e drejtësisë”, thuhet në njoftim./Arbresh.info