Kryetari i Partisë Demokratike të Kosovës, Memli Krasniqi ka reaguar pas vdekjes së Haxhi Thaçit, babit të ish-presidentit të Kosovës, Hashim Thaçi.

Me anë të një postimi në Facebook, Krasniqi tha se sot nuk u shua vetëm një njeri, por një baba që i dha Kosovës një çlirimtar, përcjell Arbresh.info.

Krasniqi u ka shprehur ngushëllime ish-presidentit, familjes Thaçi dhe mbarë kombit shqiptar.

Postimi i plotë:

Me dhembje të thellë mora lajmin për ndarjen nga jeta të Haxhi Thaçit, babait të Presidentit Hashim Thaçi. Sot, pas një beteje të gjatë me sëmundjen, nuk u shua vetëm një njeri, por një baba që i dha Kosovës një çlirimtar, një burrë që me përkushtimin dhe edukatën e tij ndihmoi në lindjen e një epoke të re për kombin tonë.

Ngushëllimet më të sinqerta Presidentit Thaçi, familjes Thaçi dhe mbarë kombit shqiptar. Haxhi Thaçi ishte më shumë se një prind – ai ishte një shtyllë e fortë e vlerave atdhetare, një njeri i urtë dhe fisnik, i cili la pas një trashëgimi të pavdekshme në historinë tonë.

U prehtë në paqe!/Arbresh.info