Reagon deputeti nga LVV-ja: Zjarri në Gjimnazin e parë shqiptar, krimi i organizuar dëshiron që ta shlyejë historinë e Ferizajt

09:50 | 14 Mars 2023
E.H

Deputeti i Lëvizjes Vetëvendosje, Enver Haliti ka reaguar pasi është djegur objekti i Gjimnazit të parë shqiptar Ismail Qemali në Ferizaj, që sipas tij kjo nuk është hera e parë që ky objekt digjet.

Me anë të një postimi në Facebook, deputeti nga LVV-ja e ka cilësuar si “Krimi të organizuar dëshiron që ta shlyejë historinë e Ferizajt”.

“Sot për herë të katërt ose të pestë i vihet flaka objektit të mbrojtur të trashëgimisë kulturore, ish Gjimnazit të parë shqiptar Ismail Qemali në Ferizaj”, ka shkruar Haliti.

Haliti, dyshon se prapa kësaj zjarri qëndron një dikush që e ka urdhëruar ketë dhe i ka ftuar organet e rendit që ta zbulojnë ketë rast.

“Ftoj organet e rendit që ta hetojnë dhe të zbulohet urdhërdhënësi i këtij krimi”, ka përfunduar ai./arbresh.info/