Kryetari i Komunës së Prishtinës, Përparim Rama ka shkruar se situata e pastërtisë në Prishtinë dhe e hapësirave të gjelbra nuk është e mirë.

Rama, përmes  një postimi në Facebook, njoftoi se lidhur me këtë janë porositur 1400 kontejnerë të rinj, ashtu si dhe 8 kamionë të mëdhenjë, shkruan Arbresh.info.

“Sot, së bashku me drejtorin e Shërbimeve Publike Ilirik Musliu, Kryeshefin Ekzekutiv të Kompania Regjionale “Pastrimi” Sh.A, Petrit Reçica dhe Kryeshefen Ekzekutive të NPL „Hortikultura” sh.a – Prishtinë, Nora Cimili Gagica, shikuam për së afërmi gjendjen në terren. Situata e pastërtisë në Prishtinë nuk është e mirë e po ashtu edhe e hapësirave të gjelbra. U pajtuam për masa të reja të menjëhershme për të ngritur nivelin e pastërtisë në kryeqendrën e vendit.  Pikërisht për këtë kemi porositur 1400 kontejnerë të rinj, po ashtu edhe 8 kamionë të mëdhenj si dhe jemi duke e shikuar mundësinë e shtimit të kapaciteteve dhe ekipeve tjera për sanimin e problemit.”, ka shkruar Rama në Facebook.

Tutje i pari i Prishtinës, tha se draft-rregullorja e re për menaxhimine  mbeturinave do të jetë në diskutim public për 30 ditët e ardhshme dhe qytetarët mund të japin komentet e tyre për këtë dokument./Arbresh.info.