Rama priti në takim ambasadorin turk, diskutojnë për projekte të ardhshme në Prishtinë

10:45 | 12 Janar 2026
E.H

Kryetari i Prishtinës, Përparim Rama ka pritur në takim Ambasadorin e Republikës së Turqisë në Kosovë, Tunç Angılı.

Rama me anë të një postimi në Facebook ka bërë të ditur se me ambasadorin turk kanë diskutuar për bashkëpunimet për projektet e ardhshme.

“Bashkëpunimi me Republikën e Turqisë mbetet i rëndësishëm për zhvillimin dhe vizionin afatgjatë të Kryeqytetit. Sot, në Odën e Kryeqytetit, mirëprita Ambasadorin e Republikës së Turqisë në Kosovë, z. Tunç Angılı, i cili më uroi për fillimin e mandatit tim të dytë”, ka shkruar Rama.

“Diskutuam për vazhdimin e bashkëpunimit dhe për projektet e ardhshme me interes të përbashkët. Partneriteti ynë ndërtohet mbi miqësinë, respektin reciprok dhe angazhimin e përbashkët për rezultate konkrete për qytetarët”, tha Rama./Arbresh.info