Rama: Gati për të filluar punimet në krijimin e rrethit në fund të rrugës “Fahri Fazliu”

16:26 | 15 Tetor 2023
E.G

Kryetari i Komunës së Prishtinës, Përparim Rama ka njoftuar se punimet në krijimin e rrethit në fund të rrugës “Fahri Fazliu” në lagjen “Kodra e Trimave” janë gati për të filluar.

Me anë të një postimi në Facebook, Rama tha se ky rreth do të lehtësojë qarkullimin e mjeteve të transportit dhe do të ofrojë kyçjen më të lehtë nga rruga “Asllan Pireva”, shkruan Arbresh.info.

“Gati për të filluar punimet në krijimin e rrethit në fund të rrugës “Fahri Fazliu” në lagjen “Kodra e Trimave”, i cili do të lehtësojë qarkullimin e mjeteve të transportit dhe ofrojë kyçjen më të lehtë nga rruga “Asllan Pireva”.”, shkroi Rama.

Gjatë kësaj vizite, Rama u takua edh eme banorët e zonës duke iu treguar për rëndësinë e këtij projekti, për të cilin Rama thotë se i falënderuan./Arbresh.info/