Zëvendëspresidenti Rainer Wieland, pasi vizitoi Xhaminë në fshatin Zabel i Ulët në komunën e Drenasit, ka vizituar kompleksin memorial “Adem Jashari” në Prekaz.

Në kompleksin memorial ‘Adem Jashari’, Wieland së bashku me kryetarin e Drenasit, Ramiz Lladrovci, kryetarin e Skënderajt, Bekim Jashari, ka bërë homazhe pranë varrezave.

Ciceroni i ka treguar Wieland historinë e familjes Jashari, edhe pse zv.presidenti kishte njohuri për historinë e kësaj familje. Wieland është informuar se sa anëtarë të kësaj familje kanë shpëtuar dhe mosha më e vogël e anëtarit që është vrare ka qënë 6 vjeç, ndërsa sipas ciceronit sot kjo familje tash ka 26 anëtarë.

Zëvendëspresidenti Rainer Wieland ka thënë se kjo vizitë e tij ishte obligative dhe se ndihet i dneruar që e kishte bërë.

Kryetari i Skenderajt, Bekim Jashari ka vlerësuar vizitën e zëvendëspresidentit Evropian, Rainer Wieland. Ai i ka treguar atij për shtëpinë e Adem Jasharit dhe për dy shtëpitë e tjera që janë sulmuar nga forcat serbe gjatë luftës së fundit në Kosovë./arbresh.info