Kryesuesi i Komisionit Qendror të Zgjedhjeve, Kreshnik Radoniqi, priti në takim shefin e Misionit të OSBE-së në Kosovë, Gerard McGurk.

Gjatë takimit, Radoniqi e njoftoi ambasadorin McGurk për aktivitetet që aktualisht po i zhvillon Komisioni Qendror i Zgjedhjeve në drejtim të përmbylljes së procesit të rinumërimit të vendvotimeve dhe shpalljes së rezultateve përfundimtare të zgjedhjeve të parakohshme për Kuvendin e Kosovës.

“Nga ana e tij, ambasadori McGurk përgëzoi KQZ-në për organizimin e procesit zgjedhor, si dhe për hapat e ndërmarrë në evidentimin e problemeve gjatë procesit të numërimit të votave për kandidatët për deputetë. Ai theksoi gjithashtu përkushtimin e KQZ-së në mbrojtjen e integritetit të votës dhe rezultateve zgjedhore”, njofton KQZ.

Sipas këtij njoftimi, ata u dakorduan për hapat e ardhshëm të bashkëpunimit ndërmjet KQZ-së dhe Misionit të OSBE-së në Kosovë.