Analisti Politik, Vigan Qorrolli ka thënë se Asociacioni i Komunave me shumicë serbe do të jetë “dreqi kushtetues” për sistemin politik në Kosovë.

Qorrolli po ashtu ka thënë se një gjë e tillë do e rris pasigurinë juridike në vendimmarrjen e Kuvendit dhe Qeverisë./arbresh.info/

Postimi i plotë:

Asociacioni i Komunave me shumicë serbe ishte dhe do të jetë “dreqi kushtetues” për sistemin politik të Kosovës. Pakicat e tjera etnike joserbe kundrejt pakicës serbe do të majorizohen nga kjo e fundit dhe ky fakt do ta rris pasigurinë juridike në vendimmarrjen e Kuvendit dhe të Qeverisë së Republikës.

Ata që e nënshkruan marrëveshjen në vitin 2013, atëbotë e bën pazarin pa hanxhiun, por tashmë ky Asociacion paraqet një obligim ndërkombëtar dhe Kosova nqs është shtet (sic!) duhet t’i zbatojë detyrimet e marra kundrejt palëve të treta.

Qeveria jonë sipas marrëveshjes së Brukselit, e më pas edhe verdikti i GjK — dështojnë ta dallojnë karakterin multietnik të shoqërisë kosovare. I japin fuqi ekstrakushtetuese serbëve kosovar.

Nëse lejohet funksionimi i tij, ky monstrum legal brenda sistemit tonë politik, do të jetë makiavelizmi i radhës i elitës tonë të paaftë politikisht për t’i rezistuar koncesioneve të reja kundrejt Serbisë.