Kryeministri i Kosovës, Albin Kurti ka dhënë detaje për mbledhjen e 115-të të Qeverisë, që është mbajtur sot, në të cilën janë miratuar katër vendim

Përmes një postimi në Facebook, Kurti njoftoi se janë ndarë 650 mijë euro për zbatimin e masës 1.3 dhe 240 mijë euro për zbatimin e masës 2.4.

Mes tjerash, kryeministri njoftoi se janë ndarë 1.2 milion euro për Këshillin Nacional Shqiptar dhe përfaqësuesit e Preshevës, Medvegjës e Bujanocit, transmeton arbresh.info.

Gjithashtu, qeveria ka ndarë rreth 8 milion euro për blerje të librave që ishte edhe kërkesë e MAShTI-it.

Në fund Kurti njoftoi se janë miratuar projektligjet për Ratifikimin e Marrëveshjes të Kredisë ndërmjet Kosovës dhe BERZh-it.

Postimi i plotë i Kurtit.

Në mbledhjen e 115-të të Qeverisë, mes tjerash:

Ndamë 650 mijë euro për zbatimin e Masës 3.6 – Mbështetja e likuiditetit familjar dhe 240 mijë euro për zbatimin e masës 2.4 – Mbështetja e Eksportit të Pakos së Ringjalljes Ekonomike.

Ndamë 1.2 milion euro për Këshillin Nacional Shqiptar dhe përfaqësuesit e Preshevës, Medvegjës e Bujanocit.

Miratuam kërkesën e Ministrisë së Arsimit, Shkencës, Teknologjisë dhe Inovacionit për ndarjen e rreth 8 milionë euro, për pagesë të blerjes së librave.

Miratuam projektligjet për Ratifikimin e Marrëveshjeve të Kredisë ndërmjet Republikës së Kosovës dhe BERZh-it për projektet “Efiçienca e Energjisë në ndërtesa publike në Prizren” dhe “Korniza e qyteteve të gjelbërta – efiçienca e energjisë në ndërtesa publike në Prishtinë”.