Qeveria e Kosovës përmes një komunikate të lëshuar për medie ka njoftuar se Kosovës mbështet njoftimin e Ekipit të Përbashkët të Hetimeve për rrëzimin e fluturimit MH17, i cili thekson se katër të dyshuar do të ndiqen penalisht për krimet në lidhje me rrëzimin e fluturimit të Malaysian Airlines, të datës 17 korrik 2014.

Më poshtë mund t’a gjeni komunikatën e plotë:

“Qeveria e Republikës së Kosovës mbështet njoftimin e Ekipit të Përbashkët të

Hetimeve për rrëzimin e fluturimit MH17, i cili thekson se katër të dyshuar do të

ndiqen penalisht për krimet në lidhje me rrëzimin e fluturimit të Malaysian

Airlines, të datës 17 korrik 2014.

Qeveria e Republikës së Kosovës i bashkëngjitet shteteve të Bashkimit Evropian dhe

aleatëve të saj duke shprehur mbështetjen e plotë për përpjekjet për zbulimin e së

vërtetës dhe për t’u siguruar që do të vihet drejtësi për humbjen e jetës së 298

personave nga 17 shtete të ndryshme. Përgjegjësit për këtë ngjarje tragjike duhet të

japin llogari.”, thuhet në komunikatë.