Qeveria ia jep në shfrytëzim një banesë të miturës së keqtrajtuar në Prishtinë

12:03 | 14 Shkurt 2024
E.K

Qeveria e Kosovës në mbledhjen e 188-të të saj ka vendosur që t’ia jap në shfrytëzim një banesë prej 100 metra katrorë, një të miture e cila ishte keqtrajtuar.

Sipas Kurtit, ky veprim është bërë për të dëshmuar përkrahjen ndaj viktimave të dhunës.

“Komisioni rekomandues i Ministrisë së Drejtësisë ka rekomanduar dhënien në shfrytëzim të banesës së konfiskuar prej 100 metra katrorësh për viktimën e trafikimit dhe dhunimit dhe familjen e saj, e njohur edhe si rasti i 11-vjeçares. Përmes veprimeve të tilla ne edhe njëherë dëshmojmë përkushtimin tonë për mbështetjen e viktimave, veçanërisht të viktimave të dhunës”, tha Kurti.

Ministrja e Drejtësisë, Albulena Haxhiu, deklaroi se banesa do t’i jepet në shfrytëzim kësaj familje për një periudhë 5-vjeçare.