Qeveria brenda 30 ditësh do ta procedoj në Kuvend Projektligjin për ushtrinë

13:20 | 23 Mars 2017
Arbresh.info

Presidenti i Kosovës, Hashim Thaçi ka thënë se Kosova do ta formojë ushtrinë e saj e po ashtu do ta ruajë partneritetin me ShBA-të e BE-në.

Këtë deklaratë, Thaçi e bëri pas ceremonisë së formimit të Klubit të Biznesit Frankofon në Kosovë, shkruan arbresh.info.

Ai tha se brenda 30 ditëve Qeveria pritet ta procedoj Projektligjin për FSK-në në Kuvend.

“Është në rrugë të drejtë është në binarë wshtë një proces i saktë eh i proceduar në kohë, do të ndodh në një periudhë të caktuar me kthimin e opinionit nga Qeveria e Kosovës në një periudhë 30 ditëshe, tani është edhe më lehtë sepse edhe Ministritë kanë dërguar opinionet e tyre pozitive, prandaj nuk shoh ndonjë problematikë në këtë proces procedural dhe as përmbajtjesor”, tha Thaçi.

Ai shtoi se debati me serbët do të vazhdoj mirëpo siç tha, nëse ata vonohen do të vazhdohet me Projektligjin./Arbresh.info.