Qalaj: Nuk do të ketë Qeveri Kurti 3, do të ketë zgjedhje të parakohshme

08:29 | 10 Shtator 2025
E.K

Deputeti i Kuvendit të Kosovës nga Partia Demokratike e Kosovës, Rashit Qalaj, komentoi ngjarjet e fundit në Kuvendin e Kosovës.

Ai foli për krijimin e Qeverisë së re, i cili tha se nuk besonte se mund të bëhej një Qeveri si Kurti 3, dhe nuk do të kenë rezultat nga tentativat që do t’i bëjnë për krijimin e kësaj Qeverie.

Qalaj gjithashtu tha se do të ketë zgjedhje të përgjithshme të parakohshme sepse jemi në një pozicion të tillë që na shpie tek zgjedhjet.

“Nuk besoj se do të ketë Kurti 3, duke marrë parasysh zhvillimin në Kuvend dhe forcën e numrave. Realisht jemi në një pozicion që më shumë na shpie në zgjedhjet e përgjithshme. nuk mendoj se do të kenë rezultat ngga tentativa për krijimin e Qeverisë Kurti 3, tha ai në Gazetën 10.