Protestuesit shkojnë para ambasadës së Maqedonisë

14:51 | 3 Nëntor 2017
Arbresh.info

Në Prishtinë po protestohet kundër vendimit të Gjykatës në Maqedoni për “Grupin e Kumanovës”, raporton arbresh.info.

Protesta e organizuar nga grupi i tifozëve “Plisat” nisi tek sheshi “Zahir Pajaziti” ndërsa tani po vazhdon tek Ambasada e Maqedonisë.

Gjykata Penale e Shkupit dje ka dënuar më 746 vjet burg grupin e ashtuquajtur “Kumanova”, ku nga 29 persona sa ishin në këtë grup shtatë pjesëtarëve u është shqiptuar burgim i përjetshëm, katër janë liruar nga aktakuza.

Pjesëtarët e grupit “Kumanova”, janë dënuar pasi që Gjykata ka dhënë verdiktin e saj që të njëjtit janë përfshirë në luftimin e “Lagjes së Trimave” në Kumanovë më 9 dhe 10 maj të vitit 2015 e që sipas Kodit Penal të Maqedonisë janë ngarkuar me veprën penale organizim terrorist.

Përfaqësues politikë në Maqedoni po kërkojnë hetim ndërkombëtar për këtë çështje, përfshirë Kosovën dhe Shqipërinë./arbresh.info/

23224545_10155656845820856_1238984918_o 23313431_10155656845900856_1939621643_o 23261784_10155656845340856_151223922_o