Banorët e fshatit Nikaj të Kaçanikut kanë dal në rrugë që përmes protestës t kërkojnë një rrugë alternative pasi që ndërtimi i autostradës Prishtinë – Hani i Elezit e ka ndarë fshatin në dysh.

Banorët thanë se nuk do të lirojnë rrugën derisa të dal dikush nga ministria e Infrastrukturës dhe të bisedoj me ta.

Ata po kërkojnë ndërtimin e një rruge alternative pasi që rruga që kanë përdorur është mbyllur nga ndërtimi i autostradës Prishtinë- Hani i Elezit.

Kryetari i Kaqanikut, Besim Ilazi iu ka bashkuar protestës së qytetarëve dhe ka thënë se ata kanë të drejtë legjitime të kërkojnë zgjidhje për ndërtimin e një rruge alternative.

“Ky shqetësim është shumë i drejt dhe legjitim që të kenë një rrugë që është e nevojshme. Edhe pse shpronësimi i pronave është bërë deri tani nuk është bërë një zgjidhje. Banorëve iu ka mbyll një rrugë dhe nuk iu ka ndërtuar një rrugë tjetër alternative”, tha ai./Arbresh.info/

https://www.facebook.com/arbresh.info/videos/556370958185814/