Prokurori i Shtetit njofton opinionin se gjatë 24 orëve të fundit nga prokuroritë themelore janë ngritur shtatëdhjetegjashtë (76) aktakuza kundër njëqindenjë (101) personave, për vepra të ndryshme penale.

Po ashtu, me urdhër të prokurorit të shtetit janë ndaluar dymbëdhjetë (12) persona, si dhe është bërë një (1) kërkesë për caktimin e paraburgimit të pesë (5) personave, për vepra të ndryshme penale.

Prokurori i shtetit ka bërë dy (2) kërkesa për sekuestrim të dy (2) traktorëve, një kamioni të tipit “IVECO” dhe
çelësi i kamionit, dhe masa drusore e llojit Ahu në sasi prej 4.00 metër kube.

Prokuroria Speciale e Republikës së Kosovës, ka ngritur aktakuzë në Gjykatën Themelore në Prishtinë –Departamenti Special, kundër personit me inicialet F. Z. për shkak të veprës penale “Organizimi dhe pjesëmarrja në grup terrorist”./arbresh.info/