Kryetari i Prishtinës Shpend Ahmeti së bashku me nënkryetarin Muhedin Nushin kanë mbajtur konferencë për medie qëllimi i së cilës kishte të bënte me prezantimin e aplikacionit online për Trafikun Urban, raporton arbresh.info

Kryetari i Komunës se Prishtinës Shpend Ahmeti tha se qëllimi i kësaj konference ka të bëjë me digjitalizimin e shërbimeve për qytetarët duke shtuar se këto shërbime po shtohen.

“Kemi kënaqësinë ta prezantojmë aplikacionin e ri për Trafikun Urban dhe tashmë është i gatshëm për t’u downlodu”, ka thënë ai.

Ai ka thënë se ky aplikacion ka në vete autobusët e rijnë. Kurse nënkryetari Muhedin Nushi tha se ky aplikacion mundëson përcjelljen në kohë reale të autobusëve live.

“Ky projekt është ndarë në tri faza kjo është faza e parë ndërsa faza e dytë është njoftimi digjital në stacionin e autobusëve ku qytetarët do të dinë në kohë reale se kur do të vijnë autobusët dhe faza e tretë pagesat qe do të bëhen në mënyrë digjitale dhe më nuk do të kemi pagesa me bileta”, ka thënë ai.

Në konferencë u tha se me këtë aplikacion qytetarët edhe do të mund të shkruajnë për problemet dhe sugjerimet që kanë.

Po ashtu u tha se shpresojnë që në vitin 2018 do ta përfundojnë edhe fazën e tretë e cila ka të bëjë me pagesa të cilat mund të bëhen edhe përmes sms./arbresh.info/