Shkollat e Prishtinës nuk kanë infrastrukturë dhe as kushte për qëndrim tërëditor, ndërkohë që vetëm një shujtë e siguruar për fëmijë është kritikuar nga disa prindër. Ekspertët e arsimit presin që një projekt i madh si ky në arsim do të përballet me shumë sfida. Kushtet jo të mira në shkollat të cilat do të realizohet pilot-projekti është sfida më e rëndë që e pret Drejtorinë e Arsimit të Komunës së Prishtinës.

Shkollat në të cilat do të realizohet mësimi tërëditor nuk posedojnë kuzhinë dhe fëmijët përgjatë qëndrimit mund të marrin një kifle dhe qumësht, të cilën e konsumojnë në klasë.

Ndërkaq, këtë vit Drejtoria e Arsimit në bashkëpunim me menaxhmentin e shkollave ka menduar që ky proces të mirëzbatohet. Sipas tyre, të gjitha shkollat në zbatim tashmë kanë në dispozicion Kornizën e Mësimit Tërëditor, që do t’u shërbejë si udhërrëfyes në këtë proces…