Presidentja e Kosovës, Atifete Jahjaga, përmes një deklarate ka dënuar incidentin në Gorzhdec, që ndodhi natën midis të dielës e të hënës që e lamë, kur person a persona të paidentifikuar shtinë me armë zjarri mbi shtëpi, dogjën një veturë dhe dëmtuan përmendoren në mes të fshatit.

Po e sjellim të plotë deklaratën e presidentes Atifete Jahjaga, transmeton Koha.net.

Dënoj incidentet në fshatin Gorazhdevc. Duke mos paragjykuar motivin e një akti të tillë, theksoj se nuk do të lejojmë që incidentet e tilla të acarojnë raportet e përmirësuara ndëretnike në Kosovë.

Policia e Kosovës dhe organet e rendit tashmë janë mobilizuar për të sjellë kryesit e kësaj vepre para drejtësisë dhe ftoj qytetarët e Kosovës të ndihmojnë në zbardhjen e këtij rasti, thuhet në deklaratë.