Takimi i paraparë për sot mes presidentes së vendit, Vjosa Osmani dhe kryetarit të Aleancës për Ardhmërinë e Kosovës (AAK), Ramush Haradinaj nuk është realizuar.

Nga partia e Haradinajt për Arbresh.info kanë deklaruar se  Haradinaj ditën e djeshme shkoi në Presidencë për takim me Osmanin por e njëjta nuk respektoi orarin që e kishte caktuar vet, shkruan Arbresh.info.

LEXO EDHE:

“Të buzëqeshur”, Osmani pret në takim Abdixhikun, flasin për draft-statutin e Asociacionit

Ndaj kësaj deklarate ka reaguar Presidenca e cila për Arbresh.info ka thënë se “Haradinaj nuk ka dashur të presë derisa protokolli e ka njoftuar Presidenten për arritjen e tij”.

Zëdhënësi i Presidentes , Bekim Kupina ka thënë se ka lënë mundësinë e hapur për takim ditëve në vazhdim.

“Takimi ishte paraparë të mbahet, por për shkaqe protokollare nuk është realizuar. Z.Haradinaj nuk ka dashur të presë derisa protokolli e ka njoftuar Presidenten për arritjen e tij. Pavarësisht kësaj, Presidentja Osmani ka lënë të hapur mundësinë e takimit ditëve në vazhdim, kurdo që kreu i AAK-së e vlerëson se duhet diskutuar dhe adresuar çështjet e rëndësisë nacionale.” ”, tha Kupina për Arbresh.info.

“Tutje ai ka thënë se dera e Presidencës vazhdon të mbetet e hapur.”, tha ai.

Deri më tani, me presidenten e vendit u takua vetëm kreu i LDK-së, Lumir Abdixhiku.

LEXO EDHE:

“Të buzëqeshur”, Osmani pret në takim Abdixhikun, flasin për draft-statutin e Asociacionit

Ndërkaq, kryetari i PDK-së, Memli Krasniqi ka refuzuar të jetë pjesë e takimeve të kësaj nature.

Sipas tij, takime të tilla nuk prodhojnë asgjë./Arbresh.info/

LEXO EDHE:

“Nuk ka gjë nga këto takime, bëhen veç analiza”: Krasniqi refuzon ftesën e Osmanit për të diskutuar për Asociacionin