Policia e Kosovës dje ka kryer kontrolle në Ministrinë e Bujqësisë, Pylltarisë dhe Zhvillimit Rural, Agjencinë e Ushqimit dhe Veterinarisë, zyrën e një kompanie private dhe Agjencinë për Zhvillimin e Bujqësisë lidhur me mbi dyshimet për fabrikën për mbetjet shtazore.

Në raportin 24 orësh të policisë thuhet se gjatë kontrollit janë sekuestruar pajisje elektronike (kompjuterë, telefona), si dhe dokumente të ndryshme në përputhje me urdhëresën e Gjykatës, shkruan Arbresh.info.

Dy persona janë intervistuar dhe pas intervistimit në prani të avokatëve me vendim të prokurorit, janë liruar në procedurë të rregullt.

“KEQPËRDORIM I DETYRËS ZYRTARE Prishtinë / 19.07.2025 – NN. Më 27.05.2025, bazuar në urdhëresën e Gjykatës Themelore të Prishtinës nga Njësia e Veçantë e Hetimeve, janë kryer kontrolle në Ministrinë e Bujqësisë, Pylltarisë dhe Zhvillimit Rural, Agjencinë e Ushqimit dhe Veterinarisë, zyrën e një kompanie private dhe Agjencinë për Zhvillimin e Bujqësisë. Gjatë kontrollit janë sekuestruar pajisje elektronike (kompjuterë, telefona), si dhe dokumente të ndryshme në përputhje me urdhëresën e Gjykatës. Dy persona meshkuj kosovarë janë intervistuar dhe pas intervistimit në prani të avokatëve me vendim të prokurorit, janë liruar në procedurë të rregullt.”, thuhet në njoftimin e policisë.

Ndryshe, dje ministri i Bujqësisë Faton Peci është intervistuar nga Njësia e Veçantë e Hetimeve lidhur me këto dyshime.

Ai është liruar pas intervistimit në procedurë të rregullt./Arbresh.info/

LEXO EDHE:

Peci po intervistohet si i pandehur për rastin e fabrikës së mbetjeve shtazore