Policia serbe arreston një 77 vjeçar nga Kosova, MUP-i propagandon se dyshohet për krime lufte

Police officers block off traffic at an intersection close to the Israeli embassy in Belgrade, Serbia, Saturday, June 29, 2024. An attacker with a crossbow has wounded a Serbian police officer guarding the Israeli Embassy in Belgrade. Serbia’s interior ministry says the officer responded by fatally shooting the assailant. (AP Photo/Marko Drobnjakovic)

11:03 | 9 Shtator 2025
Q L

Ministria e Punëve të Brendshme të Serbisë (MUP) ka njoftuar se ka arrestuar një shtetas të Kosovës me inicialet H.H. (77) në pikën kufitare Merdare, nën dyshimin për krime lufte kundër popullatës civile serbe.

Sipas njoftimit zyrtar të MUP-it, i dyshuari akuzohet se në qershor të vitit 1999, në qytetin e Podujevës, në bashkëpunim me disa pjesëtarë e UÇK-së, ka kryer vrasjen me armë zjarri të një civili serb.

“Personi i arrestuar dyshohet për krime lufte kundër popullatës civile dhe ndaj tij është caktuar masa e ndalimit deri në 48 orë,” thuhet në njoftimin e Ministrisë serbe, cituar nga mediat serbe.

Arbresh.info e ka kontaktuar Ministrinë e Punëve të Jashtme dhe Diasporës të Kosovës për ta pyetur nëse është në dijeni për arrestimin e ndodhur në Merdare.