Policia kërkon ndihmën e qytetarëve për identifikimin e një të dyshuari për lëshim çeqesh pa mbulesë

09:55 | 15 Prill 2025
E.K

Policia e Kosovës ka publikuar të martën fotografinë e një personi të dyshuar për veprën penale “lëshim i çeqeve pa mbulesë”, duke kërkuar ndihmën e qytetarëve për identifikimin e tij.

Sipas njoftimit zyrtar, Sektori i Hetimeve të Kryeqytetit, me autorizim të Prokurorisë kompetente, ka bërë publike fotografinë me qëllim që të sigurojë informacione që mund të çojnë në identifikimin dhe lokalizimin e të dyshuarit.

“Sektori i Hetimeve të Kryeqytetit, me autorizim nga prokuroria kompetente, kërkon ndihmë nga qytetarët në ofrimin e informatave, të cilat do të ndihmonin në identifikimin e personit që shihet në fotografi. Personi i dyshuar kërkohet për përfshirje në veprën lëshim i qeqeve pa mbulesë”, thuhet në njoftim./Arbresh.info