Policia e Kosovës ka bërë thirrje për bashkëpunim me qytetarët në identifikimin e dy personave të dyshuar për vjedhje në rrugën “Tahir Sinani” në komunën e Shtime.

Sipas njoftimit zyrtar, rasti ka ndodhur më datë 4 korrik në një qendër tregtare në këtë komunë.

Njësitet policore të rajonit të Policia Rajonale e Ferizajt bëjnë me dije se deri tani të dyshuarit nuk janë identifikuar.

“Policia Rajonale e Ferizajt, në bazë të autorizimit nga Prokuroria Themelore në Ferizaj për publikimin e fotografive të personave në kërkim, lëshon kërkesë për bashkëpunim me qytetarët, me qëllim identifikimin, vendndodhjen dhe kapjen e personave të dyshuar. Dyshohet se më datën 04.07.2025, rreth orës 19:30, në rrugën “Tahir Sinani” në Shtime, në një qendër tregtare, personat e dyshuar kanë kryer veprën penale “ Vjedhje”. Deri më tani, të dyshuarit nuk janë identifikuar”, thuhet në njoftim./Arbresh.info