Një ngjarje e rëndë ka ndodhur pasditen e sotme në Stanovc të Vushtrrisë ku një 58-vjeçar ka qëlluar për vdekje një 42 vjeçare dhe më pas ka privuar nga jeta edhe veten.

Lidhur me rastin ka dhënë detaje zëdhënësi i policisë për rajonin e Mitrovicës, Avni Zahiti i cili tha se në cilësi të provave materiale në vendin e ngjarjes janë gjetur dhe konfiskuar një armë pistoletë, shkruan Arbresh.info.

“Sot, rreth orës 14:56, policia ka pranuar informatën për një vrasje të ndodhur në fshatin Stanovc të Vushtrrisë. Bazuar në hetimet fillestare nga vendi i ngjarjes dyshohet se kryesi i veprës, dorasi 58-vjeçar me iniciale A.M., ka qëlluar për vdekje viktimën femër, 42-vjeçare me iniciale N.H., e më pas i dyshuari ka qëlluar edhe veten.Në cilësi të provave materiale në vendin e ngjarjes janë gjetur dhe konfiskuar një armë pistoletë .”, tha Zahiti për Arbresh.info.

Me urdhër të Prokurorit, dy trupat e pajetë dërgohen në Institutin e Mjekësisë Ligjore për obduksion.

Hetuesit policorë nën udhëheqjen e prokurorit po vazhdojnë hetimet për veprat penale ” Vrasje e rëndë ‘ dhe ” Vetëvrasje”./Arbresh.info/