Policia jep detaje rreth përleshjes me armë në Prishtinë, një i plagosur dhe katër të arrestuar

00:11 | 15 Mars 2020
Trina Galanxhi

Policia ka dhënë detaje rreth përleshjes me armë.

Si pasojë e kësaj përleshje një person ka mbetur i plagosur, një i lënduar dhe katër persona të dyshuar janë arrestuar, njofton Klan Kosova.

“Rreth orës 22:00, kemi pranuar informatën se në rrugën Ilir Konushevci në Prishtinë, ka ndodhur një përleshje fizike në mes të disa personave ku me pas është përdorë edhe arma e zjarrit. Në këtë rast një person është plagosur nga arma e zjarrit ndërsa një tjetër ka pësuar lëndime trupore gjatë përleshjës fizike. Të dy personat janë dërguar për tretman mjekësor”, ka thënë zëdhënësja e Policisë për rajonin e Prishtinës, Flora Ahmeti.

Lidhur me këtë rast policia ka shoqëruar në stacion policor katër persona të cilët dyshohet të kenë marr pjesë në rastin në fjalë.