Një vrasje e rëndë ka ndodhur dje në Prishtinë, ku një 15 vjeçar ka therur për vdekje një 14 vjeçar në Prishtinë.

Në raportin 24 orësh të Policisë së Kosovës, thuhet se i dyshuari E.V. është në masën e arrestit policor dhe se atij i është sekuestruar një armë e ftohtë thikë, që dyshohet të jetë përdorur në rast, shkruan arbresh.info

Në prezencë të avokatit të personit të dyshuar, në koordinim me prokurorin e shtetit si dhe zyrtarët e Qendrës për punë sociale, hetuesit ndaj tij kanë filluar procedurat e nevojshme policore.
Viktima R.H. 14 vjeçar është vrarë të martën rreth orës 07:30 në rrugën “Fahri Fazliu” në kryeqytet.

Policia ka nisur hetimet për sqarimin e të gjitha rrethanave që lidhen me rastin.

“Bazuar në të dhënat fillestare, personi i cili dyshohet se ka marrë lëndime të rënda nga një mjet i mprehët (thikë) dhe i njëjti është dërguar në Qendrën e mjekësisë Familjare (QMF), ku dhe është konstatuar vdekja e tij”- thuhet në raport. /arbresh.info/

lexo edhe:

Dorëzohet në polici 15-vjeçari që dyshohet se e theri për vdekje 14-vjeçarin në Prishtinë