Është sulmuar shtëpia e Naser Pajazitajt me armë zjarri.

Lajmin për arbresh.info e ka konfirmuar Zëdhënësi i Policisë së Kosovës për Rajonin e Pejës, Fadil Gashi.

Gashi tha se nga ky rast nuk ka të lënduar.

“Ai ka thirrur dhe ka thënë se pati të shtëna në kulmin e shtëpisë. Të lënduar nga rasti në fjalë nuk ka, të dëmtuara janë dy tjegulla. Në vendin e ngjarjes kanë dalur njësitet e Prokurorisë Themelore në Pejë. Rast është hapur për veprën penale ‘shkaktim i rrezikut të përgjithshëm’”, ka thënë Gashi.

Kujtojmë se me 6 prill të këtij viti Gjykata Supreme, e ka liruar nga akuza Naser Pajazitajn, i akuzuar për vrasjen e Donjeta Pajazitajt, në nëntor të 2015-ës.

Gjykata e Apelit pas shqyrtimit të ankesave të mbrojtjes, kishte marrë vendim, me të cilin ia kishte ulur dënimin nga burgimi i përjetshëm, në 35 vjet burgim, Naser Pajazitajt, për vrasjen e Donjeta Pajazitajt, në nëntor të 2015-ës./Arbresh.info

Lexo edhe:

Sulmohet me armë zjarri shtëpia e Naser Pajazitajt