Pak minuta më parë arbresh.info ka raportuar për një person i cili ka rënë nga një lartësi në nga fabrika e çimentos “Sharr-Cem”, në Han të Elezit.

E këtë e ka konfirmuar edhe zëdhënësi i Policisë së Kosovës për rajonin e Ferizajt, Agim Gashi.

Ai për arbresh.info ka thënë se viktima kishte qenë duke i kryer punimet ndërsa ka rënë nga 40 metra lartësi.

“Rreth orës 11:00 është raportuar rasti, një punëtor i cili ka qenë duke i kryer disa pune në silosin e lëndëve të para ka rënë prej një lartësie rreth 40 metra”, ka thënë ai.

Gashi ka shtuar se ai ka rënë brenda në silos.

“Ai ka rënë brenda në silos, në vendin e ngjarjes kanë dalë Policia e Kosoëvs, ekipi i emergjencës së fabrikës, ndihma e parë “, ka shtuar ai.

Zëdhënës i PK-së për rajonin e Ferizajt ka shtuar se janë duke u bërë përpjekje për nxjerrjen e personit.

“Janë duke tentuar të nxirret prej pjesën ku është lënda e parë”, ka përfunduar ai./arbresh.info/

Bie një person nga lartësia e fabrikës “Sharr-Cem”