Policia e Kosovës ka dhënë detaje shtesë për aksidentin e djeshëm tek rruga “B”, në Prishtinë ku si pasojë e goditjes nga vetura, mbeti e vdekur një 30 vjeçare.

Sipas policisë, në këtë aksident kanë qenë të përfshirë një automjet e tipit BMW dhe dy këmbësore.

Si pasojë e këtij aksidenti lëndime të rënda trupore kanë pësuar këmbësoret:

“> F.R, femër 23 vjeç, shtetase e Republikës së Kosovës dhe

> L.A, femër 30 vjeç shtetase e Republikës së Kosovës, e cila nuk ka mundur tu përballoj plagëve të mara dhe e njëjta ka ndërruar jetë.

Vdekja e viktimës është konfirmuar nga Qendra Klinike Universitare e Kosovës.

Ngasësi i automjetit BMW, L. M, mashkull 20 vjeç, është arrestuar dhe me urdhër të Prokurorit të shtetit, i është shqiptuar masa e ndalimit prej 48 orësh.

Trupi i viktimës L. A. është dërguar në Institutin e mjekësisë Ligjore për obduksion.

Rasti ka ndodhur rreth orës 16:00.”

Në gjendje të rëndë dhe në trajtim është edhe e aksidentuara tjetër. Lajmin për vdekjen e 30-vjeçares e ka konfirmuar komandanti i Policisë së Trafikut të Prishtinës, Milaim Fejzullahu.

“Policia është informuar nga QKUK se rreth orës 22:10 njëra nga të lënduarat në aksidentin i cili ka ndodhur të hënën te ‘Rruga B’ ka ndërruar jetë”, ka deklaruar ai.

Trupi i pajetë i viktimës është dërguar në Institutin e Mjekësisë Ligjore për obduksion.

E ndjera ka lënë pas një djalë 3-vjeçar