Partitë opozitare, Vetëvendosje, AAK dhe Nisma për Kosovën dje në qytetin e Malishevës kanë manifestuar për Republikën.

E numri i protestuesve në Malishevë kësaj radhe ka dal të jetë i përafërt me kalkulimet e opozitës dhe policisë.

Sipas policisë dje në Malishevë ishin rreth 900 protestues, numër ky i cili ka qenë i përafërt me llogaritjet e opozitës të cilët kanë thënë se kanë qenë diku rreth 1 mijë, transmeton Indeksonline.

Ndërkaq në manifestimin në Gjilan të mbajtur me 12 dhjetor policia pati vlerësuar se numri i protestuesve ishte nga 1 mijë në 1 mijë e 500, numër ky i cili sipas opozitës ishte më i madh ku ata deklaruan se në përkrahje të kërkesave të tyre manifestuan 5 mijë qytetarë.

Edhe në Pejë më 16 dhjetor, policia kishte thënë se kanë marrë pjesë 2 mijë persona, ndërsa opozita mbi 5 mijë.

Manifestimi i radhës i subjekteve opozitare kundër dy marrëveshjeve të nënshkruara në Bruksel e Vjenë pritet të mbahet të shtunën në qytetin e Prizrenit, ndërkaq me 9 janar 2016 opozita ka ftuar protestë gjithë popullore në Prishtinë.